Close

Oplan typhoon Ompong gilusad sa dakbayan

Sponsor ads


Gipangandaman karon sa buhatan sa City Risk Reduction and Management Office sa pagpanguna ni Psalmer Bernalte ang posibleng epekto sa Supertyphoon Ompong sa dakbayan sa Kidapawan.

Sigun pa ni Bernalte nga adunay duha ka mga barangay sa AOR sa Kidapawan ang peligroso sa pagdahili sa yuta ug pagbaha kung adunay dugay ug kusug nga pagbundak sa ulan.

Dugang pa ni Bernalte nga adunay nay contingency plan alang sa posibleng mahitabo ug ang ilang buhatan nga maoy magsilbi nga command incident center.

Gipasalig usab niini nga adunay nakaandam nga pagkaun,dapit nga posibleng kahiklingan ug tanang mga indibidwal ug buhatan nga kabahin sa pag-monitor sa tali-abot nga kalamidad kalakip na ang mga ekepo sa pag rescue.

Gilayun matud pa silang magpagawas ug abiso sa posibleng pagsuspenso sa mga klase sa tanang tulunghaan ug pagpahikling sa mga residente kung gikinahanglan. ANN RABINA MAYORMITA