Close

Opening ceremony sa SEA Games sagul positibo ug negatibo ang panglantaw

Sponsor ads


GENERAL SANTOS CITY-SAGOL positibo ug negatibo ang panglantaw pipila ka mga sports officials sa GenSan kalabot sa bongga nga opening ceremony sa SEA Games niadtong Sabado sa gabii.

Segun kang volleyball coach William Rebucan, moderno na ang pasundayag sa gihimo nga opening sa SEA Games kon itandi sa miaging mga SEA Games dinhi nakita gayud ang pagpangandam sa nasud mao nga dako ang gastos.

Sumala usab kang sports division head Lady Manalo nga mapasigarbuhon kini sa maong opening ug nagatuo nga matabunan ang mga isyu subay sa nakita sa publiko.

Apan nanghinaut kini nga dili inutang sa nasud ang pondo alang sa bongga nga opening, unya angay usab timan an sa mga organizer nga ang pilipinas dili lang sa Luzon anaa ang Visayas ug Mindanao subay sa komento sa mayor sa Davao.

Kahibaluan nga aduna usab mga magdudula ang GenSan nga nag-qualify sa SEA Games sa dulang gymnastics, arnis ug athetics.