Close

Obispo nga taga NoCot, mi-resign

Sponsor ads


HUMAN ang 4 ka tuig nga hinulat, hingpit na gayud gidawat na ni Pope Francis ang resignation ni Cardinal Orlando Quevedo isip arsobispo sa North Cotabato.

Kahinumdoman nga 4 na ka tuig ang milabay dihang gasubmiter og resignation si Cardinal Quevedo, human niini natapos ang 75 yrs old mandatory age of retirement.

Nasayran nga 2 ka buwan ayha nag-75 anyos si Quevedo gihimo pa siyang Cardinal sa Santo Papa ug maoy nahimong pinaka-unang Cardinal sa Mindanao.

Dungan sa pagdawat maong resignation, gitudlo sab sa Santo Papa si Jolo Bishop Angelito Lampon isip hulip ni Carinal Quevedo.

Si Bishop Lampon, gihimugso kon gi-anak sa M’lang, Cotabato niadtong tuig 1950 ug nahimo kining apostolic vicar sa Jolo niadtong November 21, 1997 ug maoy kasamtangang Chairman sa Commission on Ecumenical Affairs ng Catholic Bishops’ Conference of the Philippines.

Pulos nagagikan sa congregation of the Oblates of Mary Immaculate (OMI) sila Quevedo ug Lampon.

Pero luyo sa pagdawat sa resignation, mihangyo si Pope Francis nga magpabiling ‘apostolic administrator’ sa North Cotabato si Quevedo hangtud wala pa hingpit mahitabo ang Rite of Canonical Installation ni Lampon. (Rem C. Agdon)