Close

Number 7 provincial drug target personality sa pdea arestado

Sponsor ads


Gipasakaan sa kaso ang ikapito sa provincial target drug personality sa Misamis Occidental kinsa nasikop homan gisilbi ang duha ka search warrants sa panimalay niini sa Purok 4, Barangay Mobod, Oroquieta City.

Naila ang suspek nga si Iluminado Seguisa. Narekober gikan sa operasyon ang unom ka medium size sa sachet sa gitoohang shabu nga mutimbang sa 30 gramos ug dunay market value nga 180-mil pesos. Gawas niini, nakompiska sab ang duha ka kalibre 45 nga pistola, usa ka improvised shotgun lakip na ang ubay ubay nga bala.

Sumala ni PDEA-10 Director Wilkins Villanueva nga nahimong kakonsabo sa dinakpan si Lourdes Legaspi, kinsa nadakpan sab sa PDEA ug notado matud pa nga miyembro sa Kubal drug group ubos ni Ozamiz City Councilor Ardot Parojinog. Detinado na ang nahisgutang suspek ug pasakaan sa tukmang kaso.