Close

Namuyo sa danger zone gisugdan na pagbalhin sa LGU GenSan

Sponsor ads


GENERAL SANTOS CITY- NAKASUGOD na sa pagpabalhin sa mga tawo nga nagpuyo sa danger zone sa barangay West ang City Housing Office sa GenSan ug mosunod ang sa ubang barangay sa bulan sa Enero.

Sa kumpermasyon ni City Housing and Land Management Officer Mary Ann Calonzo Tan mokabat nalang sa 67 ka pamilya ang naulahing na proseso gikan sa barangay West, naproseso na sa City registration committee ug kwalipikado sa national housing authority kon nha mao nga may unit nga gi-andam alang sa 67 ka pamilya sa Guardian hills sa Brgy. Bawing.

Ang isunod sa pagproseso ang na-apektuhan sa demolisyon sa barangay Bula partikular sa PNB property, sa ulahing impormasyon human nga nakabalhin ang 120 ka pamilya may nagpabilin pa diay nga 51 pa ka pamilya.

Sumala kay Tan nga nagtuo ang mga nahibilin nga anaa sila sa gawas sa PNB property apan sa pag-survey anaa sila sa sulod sa propedad sa bangko.
Tungod niini naghangyo ang LGU sa bangko nga dili una i-demolis ang mga nahibilin kay ginaproseso pa ang ilang kabalhinan kon may bakante pa sa Guardian hills.

Mosunod ang Tinago area sa barangay South sunod ang maigo sa road widening sa Lagao ug sa Enero na ang nabilin sa barangay West.
Ginapaniguro usab ni Tan nga dili bahaunon ang relocation site nga ginadalhan sa maigo sa demolisyon sa mga pribadong luna ug danger zones sa syudad. (Ever Diazon)