Close

Namaligya’g dahon nadakpan

Sponsor ads


Priso karon ang usa ka lalaki human nadakpan nga namaligya og dahon sa marijuana sa Sitio Baluyan, Barangay Bolton, Malalag, Davao del Sur.

Ang suspek gisikop sa hiniusang pwersa sa Philippine Drug Enforcement Agency (PDEA) XI ug Malungon Police Station kinsa giilang si Paul Nakagawa, 24, minyo, nga taga Barangay Balasiao sa lungsod sa Kiblawan sa nasangpit nga probinsiya.

Sa gipahigayong drug buy-bust operation nakuha gikan sa suspek ang 800 gramos sa marijuana nga dunay street value nga P96,000 subay sa kalkulasyon sa PDEA-XI.

Lakip nakuha gikan ni Nakagawa ang markadong salapi nga maoy gigamit pagpalit kaniya sa PDEA agent nga nagpakaron-ingnong buyer sa iyang baligyang dahon sa marijuana.

Gipasakaan na og kasong paglapas sa R.A 9165 o Comprehensive Dangerous Drugs Act of 2002 ang dinakpan. BNFM-Davao