Close

Nagpailang MNLF, dakpan sa pusil

Sponsor ads


GENERAL SANTOS CITY- DAKPAN sa kapulisan ang usa ka lalaki nga nagpailang miyembro sa Moro National Liberation Front kun MNLF human makuha gikan kang Abdul Kadir Tulantingan nga dunay rangko sa MNLF army nga major ang usa ka .45 kalibre sa pusil, usa ka magazine sa maong armas nga dunay pito ka bala.

Matud ni PLt. Col. Neil Wadingan, hepe sa Glan Municipal Police Station gawas sa ID nga gipakita ni Tulantingan pakyas kini nga makapresenta kanila og dokumento sa bitbit niini nga pusil nga nakabutang sa clutch bag.

Bag- o niini, alas -6:30 sa Huwebes misumbong kanila ang sibilyan sa presensiya sa armadong tawo sa usa ka resort sa Barangay Gumasa sa Glan, Sarangani Province.

Giadtoan kini sa sakop ni Wadingan kauban ang PNP-Maritime sa lugar ug didto nakita ang grupo sa lalaki ug mga babaye nga nagpulong alang sa himuong recruitment.

Gidakop nilang Wadingan si Tulantingan tungod sa paghupot og pusil nga wala matud pay lisensiya.

Samtang kasuhan usab nila ang nag-organisa sa pulong og pagsupak sa article 146-147 o illegal assembly o associations.