Close

NUJP hugot gikondena ang Denora Killing

Sponsor ads


Hugot nga gikondena sa National Union of Journalist in the Philippines (NUJP) ang gidangtaan sa sakop sa media kinsa gipatay sa niaging adlaw didto sa Panabo City.

Sa pakighinabi sa Brigada News Fm-Davao kang NUJP Acting Chair Atty. Jo Clemente sa programang Ronda Brigada, gibutyag niining nakighiusa ang hut-ong sa Kapunungan media sa kamatayon sa kauban sa trabaho.

Gikonsedera matud pa sa NUJP karun nga lakip sa media killings ang kaso ni Dennis Denora bisan pa man wala pay resulta fact finding investigation nga magpamatuod niini, kinsa pang-onse na nga media practitioner sa nga napatay ilawum pagdumala sa Duterte Administration.

Giawhag usab niini ang kapulisan nga pahugtan pa ang pakig-alayon sa media arun masanta ang bisan unsa mang bahad sa kinabuhi sa mga mamahayag.

Luyo niini, ginakayon sa opisyal nga ana pa gihapon sa matag sakop sa media ang pag-amping ilabi na sa mga news items o balita nga ipagawas sa mantalaan, radio o telebisyon.
dungan sa pag-amping alang sa seguridad sa kaugalingon.BNFM-Davao