Close

NUJP aminadong wala pa nahuman ang legal battle sa Maguindanao massacre

Sponsor ads


GENERAL SANTOS CITY- WALA pa gayud hingpit nahuman ang kaso sa Maguindanao massacre bisan mag-11 ka tuig na karong Nobyembre 23.

Sa interview sa Brigada News FM GnSan, gibutyag ni National Union of Journalists of the Philippines o NUJP chairman Nonoy Espina nga bisan nahukman na nga sad-an ang principal accused sama nilang Unsay ug Zaldy Ampatuan niadtong Desyembre apan may kapin sa 80 pa ka suspects nga atlarge ug wala pa nadakpan.

Samtang under appeal ang kaso sa bahin sa mga principal accused hinungdan dili pa hingpit nahuman ang legal process.
Dugang ni Espina may nadugang nga gikasuhan nga mokabat sa 50 ka tawo may kalabutan gihapon sa Maguindanao massacre.
Sila ang matud pa nalambigit sa attempted cover up sa massacre.

Gawas niini, wala pa nahatagan og katarungan ang ika-58 nga biktima nga si photojournalist Bebot Monay hinungdan wala pa hingpit naangkon ang hustisya ug padayung gipakigbisugan sa grupo ang ‘fight for 58.’

Samtang, giangkon ni Espina nga gikasubo niya nga karon nga may pandemya dili magkita ang mga pamilya sa mga biktima sa masaker aron hinumdumon ang nahitabo sa sitio Masalay, Barangay Salman, Ampatuan, Maguindanao apan may mga online activities ug ang mga pamilya sa mga media practitioners nga gilubong sa Forest Lake cemetery sa GenSan ang mohalad og pag-ampo ug magsindi og kandila sa maong adlaw.