Close

NFA rice, indi garantiya sa pagnubo sang presyo sang bugas sa SoCot

Sponsor ads


KORONADAL CITY - INDI garantiya sa pagnubo sang presyo sang bugas ang pag-abot sang NFA rice sa probinsiya.

Ini ang ginpaathag ni Provincial Agriculturist Justina Navarete angot sa presyo sang commercial rice sa probinsiya nga nagalab-ot sa P43 tubtub sa P48 kilo.

Apang posible suno pa nga maganubo na ini sa madason nga bulan bangud sa pag-umpisa na sang harvest season subong nga bulan sang Hulyo tubtub Agusto.

Sa pihak sini, nagalaum naman ang opisyal nga indi gid magnubo sang tuman ang presyo sang bugas sa probinsiya sa tion sang peak season sang harvest bangud lubos naman suno pa nga maapektuhan ang mga mangunguma.

Sa pihak sang pagbulubanta sang OPAG nga yara sa P43-P48 ang presyo sang commercial rice, may mga rice retailers na nga nagabaligya sang tubtub sa P53 tagsa ka kilo.