Close

NCMF nag lie low una sa pagproseso sa hajj

Sponsor ads


GENERAL SANTOS CITY- NAG-LIE LOW una ang opisina sa National Commission on Muslim Filipinos sa ilang pagpangandam alang sa hajj 2020 sa Mecca, Saudi Arabia.

Sa kumpirmasyon ni NCMF field director Atty. Guialil Kanda nga nagahulat lang sila sa opisyal nga pahayag sa NCMF National ug sa Saudi government kon madayon o dili ang hajj karong tuiga human sa ilang pag- obserba sa bulan sa Ramadan.

Bisan sa problema sa COVID-19 nagapangandam gihapon ang Saudi sa hajj apan dili pa sigurado kon itugot nga mosulod sa ilang dapit ang taga laing nasud.

Malaumon usab si Kanda nga may hajj gihapon nga mahitabo sa Hulyo bisan limitado lang ang participants.

Sa GenSan, unom lang ang nakabayad sa hajj sa kapin 30 nga nagparehistro.

Sa Cotabato, walay nakabayad, Zamboanga, Tawi-tawi, Basilan walay nakabayad, Davao, 15 ang nakabayad, Lanao kapin 200 ang nakabayad.

Ang nakabayad mahimo usab nga mag-request sa ilang opisina nga ibalik ang gibayad nga salapi kon dili mahinayon ang hajj.