Close

NAPOCACIA President, padayon nga naga singgit it hustisya para sa mga apektado it pag kurae sa pilang eogta sa Kalibo International Airport

Sponsor ads


KALIBO, AKLAN — Padayon ru pag singgit it hustisya ku mga apektado nga mga tenants sa pag kurae it pilang portion it eogta sa Kalibo International Airport.

Suno kay Mr. German Baltazar, NAPOCACIA President sa Brigada News FM Kalibo, uwa man gihapon it klarong action ru gin himo nga negosasyon sa tunga it DOTr, iba pang ahensya’t gobyerno ag mga apektadong residente sa lugar.

Naga pati si Baltazar nga haeos gina pigos eon it gobyerno ru mga apektado bangud hasta eamang sa report ru imbistigasyon ag uwa man it naga kaigo nga action.

Hasta sa makaron, uwa pa gihapon it nahimo nga Multi-Partite Monitoring, resettlement ag action plan nga kabuhay eon nga gina hueat it mga residente.

Kun matandaan, una eon nga umalboroto ru mga raya matapos nga may pilang ka mga residente nga uwa gihapon habayari it gobyerno ru balor it eogta./ MARIVIC Y. ILIN