Close

Multa, pagkapreso, community service, nagahulat sa magabayular sa anti-littering law kadungan sang T'nalak Festival

Sponsor ads


KORONADAL CITY - MULTA nga P100 tubtb P1,000 pagkapreso sang lima tubtub sa pulo ka adlaw ukon community service ang nagahulat sa sin-o man nga madakpan nga magahaboy sang basura sa indi ensakto nga lugar kadungan sang kafiestahan sang T'nalak Festival.

Suno kay Provincial Environment and Management Office ukon PEMO Supervising Environment Management Specialist Elbe Balucanag, nga base ini sa ila ginplastar nga guidlines angot sa paghaboy sang basura sa amo nga selebrasyon.

Umpisa na subong nga adlaw ang weeklong celebration sang 19th T'nalak Festival kag Foundation Anniversary sang South Cotabato nga magatakop naman sa Hulyo 18.

Nakasugtan sang Solid Waste Management ukon SWM Committee sang Festival nga butangan sang pangalan kag stall number sang mga stall owners ang mga ipalapta nga basurahan sa mga venue sang aktibidad.

Katuyuan suno pa sini nga mapabilin ang kalimpyo sa selebrasyon.

Mahimo man suno pa nga maghaboy sang basura sa mga waste collection vehicle nga magalibot alas-6 tubtub alas-7:00 sang aga sa mga gindesignar nga lugar.

Dugang pa ni Balucanag nga may igabutang nga mga enforcer agud masiguro nga magasunod ang tanan sa Anti-Littering ordinance sang probinsiya.