Close

Motor nga walay ‘barrier’ ug dunay angkas dakpon na sugod ning adlawa, Agosto 1, 2020

Sponsor ads


GENERAL SANTOS CITY- MANAKOP na sugod ning adlawa Agosto 1, 2020 ang Highway Patrol Group sa mga motorsiklo nga walay barrier, isip pagtuman sa kamanduan sa Inter- Agency Task Force.

Segun pa ni Police Major Roel Villarin, Provincial director sa HPG sa South Cotabato ipatuman nila ang maong kamanduan isip pagsunod sa
direktiba sa physical distancing

Giklaro ni Villarin nga pagpatuman niini ang dili aron palisdan ang mga nagagamit og motorsiklo apan aron malikayan ang pagtakod sa
COVID-19.
Dugang sa opisyal, gihatagan na og igong panahon ang mga motorista sa pagpataod og barrier sa ilang motor hinungdan nga wala na matud pa’y rason nga wala sila nasayod sa maong kamanduan sa IATF.

Giklaro niini, gitugotan nila ang pag-angkas sa babayeng uyab, asawa ug paryente apan angayang dunay barrier tunga sa drayber ug angkas.

Gitino usab sa opisyal, aron malikayan ang disgrasya kung dunay barrier ang motor kinahanglan mohinay lang sa pagpadagan ang drayber.
Angmusupak sa maong kamanduan ang dakpon sa HPG tungod sa paglapas sa no back- riding policy. ( Rich Gubalani)