Close

Miyembro sa ASG, mi-surrender sa kasundaluhan

Sponsor ads


BOLUNTARYONG mitahan sa kaugalingon ang miyembro sa Abu Sayyaf ngadto kang Lieutenant Colonel Ronaldo Mateo, Philippine Army 32nd Infantry Battalion (IB) commander sa Camp Bud Datu sa Tagbak, Indanan, Sulu. Naila ang mitahang abu sayyaf nga usa ka Abdulbaki Boyohan, 53-anyos, ug grupo kini sa leader nga si Idang Susukan.

Dugang pa nga si Boyohan, amahan kini sa kanhing Abu Sayyaf member nga si Ban Baki Rajili ug Padi Kali, nga misurender sa tropa sa 32nd IB niadtong Disyembre 22, 2018.

Lakip nga gitahan ni Boyohan ang M-79 grenade launcher ug mga bala.

Matud pa ni Lieutenant General Arnel Dela Vega, Westmincom chief, iyang gipanghinaut nga ang storya ni Boyohan ug sa iyang duha ka mga anak,ang makapa-aghat sa uban pang miyembro sa bandidong Abu Sayyaf nga mosurender, aron mahuman na ang panag-enkwentro sa Sulu.