Close

Mister gibukbok ni misis nagpapulis

Sponsor ads


Kulating ang usa ka mister sa iyang misis rason nga nagsumbong na lamang kini ngadto sa kapolisan sa Sta. Ana Police Station.

Ang mister itago na lamang sa pangalang si alyas Manny, 53, kinsa nakahiagum og mga bun-og sa lawas sa dihang nahinaykan kini sa iyang misis nga si alyas Gemma, 47 sulod sa ilang balay sa Barangay San Antonio, Agdao, Davao City.

Testimonya sa mister sa kapolisan nga nag-istorya matud pa sila sa iyang asawa kabahin sa iyang pag abroad sa dihang miulbo ang kasuko sa iyang asawa.

Gipadlak matud pa si Manny sa sulod sa ilang balay ug didto na kini giayo og kulata sa iyang misis kon asa nagka gisi-gisi pa ang iyang sanina.

Igo na lamang gipatala sa kapolisan ang hitabo aron magamit niini kung duna kini planong mupasaka og kaso. BNFM-Davao