Close

Misa sa pyesta sa Sr. Sto. Niño de Bula, ‘live’ sa FB

Sponsor ads


GENERAL SANTOS CITY- GIAWHAG sa tigdumala sa simbahan sa Barangay Bula, GenSan ang mga deboto nga dili resident sa lugar nga atangan na lang sa social media ang live nga misa nila. Kini aron malikayan ang pag-adto pa sa maong simbahan tungod hugot gibawal ang pagsulod sa dili residente sa maong barangay.

Apan sa misa, gitugotan nga makasulod ang GKK nga kabahin sa simbahan sa maong barangay.

Matud ni PLt. Omar Baret, deputy station commander sa Bula Police Station, pangetaan nila og pamautod nga residente sa lugar ang mosulay og sulod. Pangetaon nila og Enhanced Quarantine Pass (EQP) nga kolor yellow, CCTS ang mga mosulay og sulod sa maong barangay.

Gibantayan usab sa Barangay Covid-19 Control Force (BCCF) ug kapulisan ang mga gagmay’ng dalan sa lugar aron masiguro nga walay makalusot nga mamistahay sa maong barangay. Kahibaloan nga gawas sa misa, gikansela ang tanang aktibidad lakip na ang tradisyonal nga fluvial procession.

Una nang, gipasabot ni Kapitan Nicanora Vargas nga ang paghugot nila sa seguridad ang tungod sa padayong bahad sa COVID-19 pandemic. ( Rich Gubalani)