Close

Milugos ug mipatay sa 5-anyos nadakpan

Sponsor ads


Nadakpan na ang suspek nga mipatay ug milugos matud pa sa usa ka 5-anyos nga batang babae Tampakan, South Cotabato.

Ang suspek nga si Sandro Ugdamen, 42-anyos nasikop sa gipahigayong operation sa Tampakan Municipal Police Station kon asa naabtan kini sa Alabel, Sarangani Province.

Tanggong na karon sa prisohan si Ugdamen kinsa gipang himakak ang nasangpit nga krimen.

Sumala pa ni Lea, inahan sa biktima nga si alyas Zheya sa interbyu sa BRIGADA-KORONADAL nga kulang pa ang pagka priso sa suspek sanglit kinabuhi ang giutan niini rason nga kinabuhi usab ang angay niyang ibayad.

Dugang pa sa inahan nga daghan pa ug pangandoy si Zheya diin buot niyang mahimong pulis ug makita ang iyang amahan nga napriso.

Butyag ni Police Chief Insp. Rafael Banggay nga kahinanglan sila og dugang pwersa aron mubantay sa suspek human ubay-ubay ka mga residente ang misulong sa presinto gumikan sa kasuko ngadto ni Ugdamen.

Ginahikay na karon ang kasong ipasaka batok ni Ugdamen kinsa himas rehas na sa prisohan. BNFM-Davao