Close

Militar ng pasalamat sa tanang nagsuporta sa peace caravan

Sponsor ads


MAPASALAMATON karon ang tropa sa 36th Infantry ‘Valor’ Battalion Philippine Army ngadto na sa mga mitabang aron nga magmalapuson ang gihimong Peace and Dialogue Caravan ngadto sa mga lumad sa Barangay Bolho-on, San Miguel, Surigao Del Sur.

Sumala pa ni Captain Francisco Garillo nga dakong tabang usab ngadto kanila ang nahitabo aron nga maabot ang problema sa mga katawhan sa maong lugar.

Dugang pa sa maong opisyal nga dako gayud ang natabang sa lokal nga panggamhanan sa pagpanguna ni Mayor Alvaro Elizalde, Non-Government Organization nga Balay Mindanao Center sa pagpanguna ni Belle Hernadez, PNP San Miguel, IPMR ug uban pang inline government agencies ug private sectors.

Sumala pa sa maong opisyal nga ang maong area gikonsiderang kusog ug adunay bagang pundok sa New People’s Army diin anaa usab ang mga lumad nga nanimuyo ug dili malikayan nga kanunayng mabiktima sa mga walhong grupo sa mga pasalig aron agnihon nga mualsa batok gobyerno ug mamahimo nga ilang mga sakop.