Close

Militar gihulma ang mga kabataan alang sa pagbatok sa insurhensiya

Sponsor ads


MUABOT sa 106 ka mga partisipanteng kabataan nga naggikan sa 47 ka mga brgy sa Esperanza, Agusan Del Sur ang misalmot sa 2nd Youth Leadership Summit nga subling gipahigayon sa tropa sa militar alang sa paghulma sa mga kabataan nga mamahimong lider sa komunidad.

Gipangunahan mismo sa 23rd Infantry Battalion Philippine Army ang 3 ka adlaw nga Youth Leadership Summit pinaagi sa Live-in seminar nga gipatigayon sa Barangay Poblacion sa maong lungsod.

Kaabag usab sa militar ang lokal nga panggamhanan sa maong lungsod alang sa 2nd Esperanza Youth Leadership Summit nga nagtangag sa temang: Transforming The Youth as Advocates the Peaceful Changes”, nga usa sa mga pamaagi sa paghatag ug kahigayonan alang sa pagpalambo pa sa mga kabataan.

Gipahigayon ang mga aktibidad nga gilangkuban sa Team building, outdoors activity, workshop, spiritual enlightened activity, physical conditioning, social nights ug tree planting.

Angayan masayran nga ang maong lungsod gikatahong anaa usab sa impluwesya sa Guerilla Front 88 ug 55 sa New People’s Army.