Close

Mga volunteers, ginpangayuan it bulig agud sa pagsalbar sa palibot it Boracay

Sponsor ads


BORACAY, ISLAND — Ginpangayuan makarun it bulig ku Philippine National Police (PNP) partikular ro Police Community Relations Group (PCRG) ro mga environmental volunteers para protektahan ro ikamayad it bilog nga isla it Boracay.

Base sa pamunuan it PCRG, ro Kaligtasan ag Kalikasan (KaligKasan) program hay padayun nga ginapatuman sa isla para maisalbar ro palibot it ginakabig nga prime tourist destination.

Nasayuran nga ro mga KaligKasan volunteers nga halin sa mga hotels ag resorts, restaurant frontliners, mga security managers ag resort owners sa tatlong barangays hay naka-training eon angot sa environmental protection ag law enforcement.

Manami nga oportunidad man segun ro KaligKasan program para sa mga residente ag komunidad nga maipakalat ro kasayuran sa environment ag pagbueoligan agud maprotektahan ro isla it Boracay.

Owa it eabot sa PNP, kaeakip man ro ibang ahensya it gobyerno ag Police Regional Office 6 sa nasambit nga community program./ ANN DESLENE SALAZAR