Close

Mga pensyon ng GSIS pensioner, suspendido na

Sponsor ads


KIDAPAWAN CITY - Suspendido na ang pensyon sa mga GSIS pensioners human wala nagpakita sa Annual Pensioners Information Revalidation o APIR nga ang deadline niadtong Hunyo 30 lamang.

Sumala ni GSIS Pres. and General Manager Jesus Clint Aranas, moabot na ngadto sa 300,000 ka GSIS Pensioners ang dili sigurado kung buhi pa ba sila.

Tungod niini, subling gipatuman ang Annual Pensioner Information Revalidation o APIR nga naundang niadtong tuig 2011.

Human ang deadline niadtong Hunyo 30, 54% nalang sa 300,000 ang nagpakita sa GSIS.

Giklaro ni Aranas nga personal nilang irevalidate kadtong mga disable ug kadtong tua sa abroad.

Gibutyag pa ni Aranas nga personal nga bisitahon sa ilang doctor ang mga pensioners nga disable basta tawagan lang sila samtang kadtong tua sa abroad, kinahanglan lang silang kontakon gamit ang skype.

Oras nga mahunong ang pension sa mga pensioners dili angay’ng mabalaka ug magpakita lang bisan asang opisina sa GSIS aron mabalik ang tibook pension nga wala nahatag sa ahensya.

Sumala sa GSIS, ang ilang gihimo dili aron ipiton ang nga pensioners kondili aron protektahan ang pondo sa mga katawhan nga dili maadto sa mga ghost pensioners.