Close

Mga miyembro sa konseho gidebatihan ang giduso nga resolusyon ni Kagawad Nuñez pabor sa Gawan clan

Sponsor ads


GENERAL SANTOS CITY- NITAAS ang debate sa mga konsehal kalabot sa usa ka measure nga giduso sa ilang business of the day milabay nga session.

Kalabot kini sa resolusyon nga nagapalig-on sa aplikasyon ni Carlita Gawan alang sa registration of certificate of ancestral land title pabor sa Gawan clan nga may kalapdon nga usa ka gatus ka ektarya ug nahimutang sa Lanton, Brgy. Apopong.

Sumala kay Kagawad Rosalita Nuñez angayng aprubahan kay 10 ka tuig na ang mga tawong nagpuyo sa lugar gani wala nay bakante.

Segun usab kang Kagawad Richard Atendido dapat ang yuta sa lumad alang lang sa lumad ug dili puy-an sa uban o ibaligya.

Matud usab ni Kagawad Jose Edmar Yumang nga dili angayang mag-apil apil ang konseho sa transaksyon sa Gawan clan.

Sumala usab kang Kagawad Dominador Lagare angay nga ‘win-win’ solution ang iduso aron dili ma-alaot ang mga dili lumad nga nakapalit og luna sa area.

Segun kang Kagawad Brix Tan, may kabanay siya nga nakapuyo sa area ug dili mga lumad basin unya palayason gumikan sa ilang iduso nga resolusyon.

Gumikan niini gipadaplin usa sa konseho ang maong resolusyon.