Close

Mga bakwit sa engkwentro sang militar kag NPA, amat-amat na nga nakapauli

Sponsor ads


KORONADAL CITY - GINPASUGTAN na sang militar nga makapauli ang 101 ka pamilya nagikan sa mga sitio sang El Labug kag Blangas sa Barangay Kematu nga makapauli sa ila tagsa ka panimalay matapos nagbakwit tuga sang engkwentro sa tunga sang mga suldado kag NPA.

Suno kay Tboli Information Officer Barry Lugan, ginpaidalom anay sa stress debriefing ang mga ini antes ginpapauli.

Nagpatigayon suno pa sang patrol operation ang mga suldado sang naka-engkwentro ang yara sa 50 ka mga armado nga NPA sa Sitio Lemtineneg.

Bangud sa kahadlok nga maipit sa giyera, nagbalakwit man mangin ang mga residente sang kaiping nga Sitio El Labug kag Blangas.

Padayon suno pa ang clearing operation sang militar sa Sitio Lemtineneg rason nga magapabilin pa sa evacuation center sa sulod sang tatlo tubtub sa apat ka adlaw ang mga residente sini.

Sa kabug-usan, naglab-ot sa 657 ka tao nga ginalakipan sang 223 ka mga kabataan ang nagbalakwit bangud sa engkwentro. (Girlie Narciso-Solis)