Close

Mayor suportado ang pagpaundang sa pagbawal sa angkas

Sponsor ads


GENERAL SANTOS CITY- GIPABORAN ni City Mayor Ronnel Rivera ang hangyo nga undangon ang no back rider policy.

Matud ni Rivera, suportado niya ang giduso nga resolusyon sa Land Transportation Office kun LTO-12 nga giaprubahan sa Regional Inter- Agency Task Force on COVID-19 kun RIATF.

Rason sa mayor nga dakong tabang kini sa mga residente nga nag-agad sa motorsiklo isip ilang transportasyon.

Dugang ni Rivera, daghan ang apektado sa no back rider policy hinungdan nga usa siya sa nanawagan nga undangon na ang pagpatuman niini.

Kahibaloan nga sa usa ka Executive Order ni Rivera gitugotan niya ang angkas sa motor kung kini ang magtiayon o kabanay ug essential workers.

Apan sa polisiya gikan sa National Inter- Agency Task Force kun NIATF bisan magtiayon o essential workers dili exempted sa polisiya.