Close

Mangingilad og taxi drayber nadakpan

Sponsor ads


Tanggong karon sa prisohan ang usa ka masahista nga matud pa gapamiktima og mga taxi drayber kon asa naaresto kini sa Rizal Park, Davao City.

Ang suspek gisikop sa San Pedro Police Station kinsa giilang si Melvin Lindag Vazquez, 29, massage therapist nga nanimuyo sa Busna, Barangay 76-A ning dakbayan.

Si Vazquez gireklamo sa usa ka taxi company human sa sunod-sunod nga pag-pangilad niini sa ilang mga drayber kon asa naila kini sa kuha sa CCTV footage sa taxi.

Paagi matud pa sa suspek ang muarkila og taxi padulong sa Digos City ug pabalik ning dakbayan kon asa dili kini mubayad.

Utangan pa niini ang drayber sa pasalig nga usahon lang ang pagbayad apan kalit mawala tangag ang salapi sa biktima.

Giangkon ni Vazquez nga makatulo na matud pa niini gibuhat ang nasangpit nga modus hinungdan nga pasakaan na kini og kaso.

Nanawagan karon ang San Pedro PNP ngadto sa mga nabiktima sa suspek nga mupasaka og kaso aron hingpit nga matanggong sa prisohan ang dinakpan. BNFM-Davao