Close

Mananagat nakaplagan nga wala nay kinabuhi sa baybayon

Sponsor ads


GITOHOANG nalumos ang nakaplagang patayng lawas sa usa ka lalaki didto sa Purok Pag-asa, Brgy Bibilik, Dumalinao, Zamboanga Del Sur.

Giila sa kapulisan ang biktima nga usa ka Alex Balagot Diana, 42-anyos, minyo, mananagat ug taga- Purok Bay-bay Uno, Poloyagan, Pagadian City.

Base sa imbistigasyon nga gipahigayon sa kapulisan sa Dumalinao, nga ang biktima nakit-an kining gainom sa ilimnong makahubog, kauban ang paryente nga sila Nelson Arcenal ug Manie Estoya, una kini naligo sa dagat, ug nakuratan na lamang ang mga kauban dihang ila na lamang nakita si Diana nga naglutaw ug wala na kinabuhi.

Matud pa, gitohoang nalumos ang biktima ug gidala kini sa kusog nga sulog sa balud.
Ang patayng lawas ang anaa na karon sa iyang pamilya.