Close

Magpamilyang Chinese ug 1 ka PUI, nakagawas sa ospital

Sponsor ads


GENERAL SANTOS CITY- NAKAGAWAS na pribadong ospital sa GenSan ang usa ka babaye nga unang gikonsidera ng patient under investigation kun PUI sa COVID-19 nga unang gitawag nga novel coronavirus.

Kini ang gibutyag ni Dra. Imelda Quiñones, labaw sa Regional Epidemiology and Surveillance Unit sa Department of Health kun DOH-12.
Ang maong babaye ang nag-negatibo sa infection sa novel coronavirus disease human sa gikuha nga sample sa specimen niini ug gidala sa Research Institute for Tropical Medicine kun RITM sa Muntinlupa City.

Ang maong babaye ang gikaingong nabutang sa quarantine tungod sa ‘history of travel’ niini nga gikan sa Macau nga apil sa travel ban.

Gawas niini, gianunsiyo ni Quiñones atol sa press conference Huwebes sa buntag sa GenSan gikan sa 37 kinatibuk-ang Person Under Monitoring kun PUM nahimo na lang nga 18 ka tawo ang gipailalom sa quarantine.

Samtang anaa pa sa 19 ang padayon nga gibantayan sa DOH-12, unom niini ang sa North Cotabato; lima sa South Cotabato, upat sa probinsiya sa Sarangani; usa sa Sultan Kudarat samtang lima na lang ang sa GenSan.