Close

MILF peace implementing panel chairman Iqbal gilibot ang Sarangani sa nagpadayon nga Tarbiyyah program

Sponsor ads


GENERAL SANTOS CITY- DUHA ka adlaw nga gilibot ni MILF Peace Implementing Panel Chairman Mohagher Iqbal ang probinsya sa Sarangani, partikular sa Maasim ug Malapatan, isip guest of honor and speaker sa nagpadayon nga aktibidad sa Sulong Kapayapaan program gitawag nga “Tarbiyyah.”

Niadtong Lunes, anaa si Iqbal sa Maasim Gym, ug pagka-Martes, Nobyembre 6 didto kini sa Barangay Sapu Padidu Gym sa Malapatan.

Ang “Tarbiyyah,” usa ka Arabic nga pinulungan nagpasabot nga pagmatuto aron mahimong matarong ang usa ka indibidwal.

Tulo ka tuig nang adunay Tarbiyyah program sa Sarangani Province nga gimugna mismo ni Gov.Steve Chiongbian Solon ug mga opisyal sa probinsya aron ipakaylap ang tinuod nga pagtulun-an sa relihiyong Islam.