Close

Live-in partner, nakig-buwag; kapuyo, naghikog

Sponsor ads


Patay ang usa ka lalaki human naghikog sa kalubihang bahin sa Purok 7, Brgy. Malpoc, Buenavista Agusan del Norte sa nakalabay’ng adlaw.

Giila ni PO2 Juderito Ilustrisimo, ang imbestigador sa Buenavista Municipal Police Station ang nagpakamatay nga usa ka Ruel Amba Hallasgo, 46-anyos, residente sa Purok 3, Brgy. 8, lungsod sa Buenavista Agusan del Norte.

Nasuta sa imbestigasyon nga dunay ka live-in si Hallasgo nga nailang si Rochen Alhor, 43 anyos.

Gikaingong wala na nagkasinabot pa ang duha ug gani ning ulahing mga adlaw, matod ni Ilustrisimo, gipahatod ni Rochen ang mga senina ni Hallasgo ngadto sa panimay sa ugangan.

Subay sa hitabo, nawad-an og paglaum si Hallasgo nga magkabalik pa sila ni Rochen hinungdan nga nanugon-tugon na matod pa kini nga dile magpahaya ngadto sa panimay sa ka live-in.

Wala hatage ug gibug-aton sa mga kabanay ang panugon-tugon sa nahisgotan, apan ning nakalabay’ng adlaw, napalgan na lamang ang nauwahi nga patay na human naghikog sa kalubihang bahin.

Sa pagkutlo ning balita, padayon nga giimbestigahan sa kapulisan ang hitabo aron masuta kun wala bay foul play sa maong kamatayon.