Close

Lalakeng nakig-inom gitigbas-patay

Sponsor ads


Padayong giimbestigahan sa mga otoridad ang pagpanigbas patay sa usa ka lalake sa Purok 3 Poblacion 3 lungsod sa Villanueva Misamis Oriental.

Naila ang biktima nga si Rico Tampus, 36-anyos nga residente sa nahisgutang lugar. Sumala ni Villanueva MPS investigator PO3 Joel Arquiza nga nag-inom sulod sa panimalay ang biktima ug laing tulo pa ka indibidwal nga gitoohang responsable sa krimen apan pipila ka oras kalit lamang napalgan ang biktima gawas sa panimalay nga wala nay kinabuhi.

Nakahiagom sa samad tinigbasan sa ulo ug tuhod ang biktima nga hinungdan sa kamatayon niini. Gitutukan sa mga otoridad ang anggolong posibleng ang mga nakabangi kaniadto sa biktima ang nihimo sa krimen.

Padayon pa sab karun nga gisuta ang identity sa mga suspek.