Close

Lake Sebu, nagapabilin nga top destination sa SoCot

Sponsor ads


KORONADAL CITY - Kapin sa 418, 487 ka mga turista ang nagbisita sa South Cotabato humalin sang Enero tubtub Hunyo sini nga tuig.

Suno kay Tourism Operations Officer Anna Liza Mondejar ang nasambit nga numero ginalakipan suno pa sang "same day" visitors kag "overnight guest", local man ukon foreign.

Yara suno pa sa 312, 581 ang same day tourist nga ginalakipan sang 311, 989 ka mga local kag 592 ka mga foreign visitors.

Samtang sa bahin naman sang mga overnight guest, yara suno pa sa 105, 906 ang narehistro nagikan sa 105, 292 sa local samtang 614 naman sa foreign tourist.
Nagapabilin naman nga paborito sang mga turista ang summer months nga ginalakipan sang Marso, Abril kag Mayo.

Lake Sebu sa gihapon nga ginakabig summer capital sang South Cotabato ang nagapabilin nga paborito nga tourist destination nga ginasundan sang Lake Holon kag Bacngeb River Cave sa Tboli kag Linan Tarsier Sanctuary sa Tupi. (Girlie Narciso-Solis)