Close

Lady boxer nga taga GenSan nga nakit-ang patay sa Baguio City hatagan og posthumous award

Sponsor ads


GENERAL SANTOS CITY- GIKATAKDANG makig-alayun si city sports division head Lady Manalo kang Kagawad John Demdam alang sa paghatag og posthumous award sa lady boxer nga nakit-ang patay sa boarding house didto sa Baguio City.


Segun ni Manalo bisan ang pamilya ni Alexcel Gargantes, 24-anyos nga taga Rajah Muda, Brgy. Bula ang hatagan usab og tribute sa accomplishment ni Alexcel.

Matud ni Manalo nga nagsugod sa pagpamoksing si Alexcel sa GenSan kaniadtong 2013 ug nakitaan og potential sa Amateur Boxing Association of the Philippines kun ABAP ug nahimong miyembro sa Philippine national team ug didto gipapuyo sa training camp sa Baguio City.

Dugang pagbutyag ni Manalo nga miaging tuig mihawa sa Philippine team si Alexcel sa wala niini masayri nga rason apan nagpabilin nga nagtinir sa Baguio City.

Mitabang ang ABAP sa pag-transport sa patayng lawas sa lady boxer ug abagahon usab sa LGU ang pagpalubong sa nahisgutan.