Close

Laborer nag-inom og kape gitigbas sa silingan, angol

Sponsor ads


GENERAL SANTOS CITY- ANGOL sa pagpanigbas ang usa ka lalaki samtang naga-inom og kape sa ilang panimalay sa Upper Banualan, Tambler, GenSan.

Sa record sa Dr. Jorge P. Royeca hospital ang biktima si Rudy Caclay, 39- anyos, nadala sa tambalanan pasado alas 9 sa gabii kay adunay samad tinigbasan sa ulo ug sa walang kamot.

Gihatod kini sa iyang mga kabanay aron matambalan, ug subay sa ilang istorya samtang nagapangape ang biktima sa kalit lang gi-atake sa ilang silingan.

Samtang sa imbestigasyon nga gihimo sa Tambler police station ang biktima usa ka laborer ug nagpuyo sa Upper Banualan, Brgy. Tambler, samtang ang gitudlong suspek si Tonton Tamisa, 21-anyos usa ka canning factory worker ug nagpuyo sa susamang lugar.

Ang hinungdan sa pagpanigbas mao ang pagsulti og hait nga pulong sa biktima batok sa suspek, samtang anaa na sa kustodiya sa Tambler PNP ang suspek