Close

Laborer nadumbulan sa bus, patay

Sponsor ads


WALA na makaya pa usa ka laborer ang iyang nahiaguman nga samad ug bun-og sa kalawasan human kini nadasmagan sa pampasaheroang bus bandang alas 8 sa gabie niadtong nakalabay nga adlaw sa may National Highway nga nahimutang sa P-7 Barangay Maygatasan, Bayugan City, Agusan Del Sur.

Giila ang biktima nga si Jorie Gynn Pauya, 26 anyos ug nagpuyo sa Barangay Dacutan, Esperanza ning probinsya.

Samtang giila ang nakabangga nga driver sa bus nga si Romil Pilapil, 35 anyos ug residente sa P-13 Mancarogo, Bislig City, Surigao del Sur.

Sumala sa imbestigasyon sa Bayugan PNP, kini samtang naglawig ang maong bus gikan sa Butuan City padulong sa lungsod sa Talacogon apan pag-abot sa maong dapit kalit lamang mitabok ang nasangpit nga biktima sa walay igong rason ug taliwala pa man nga gidali usab pagkabig sa driver ang manibela ug giprenohan apan walay swerteng nabanggaan gayud ang biktima.

Gidali pa pagdala sa Bayugan Community Hospital si Pauya apan paglabay sa usa ka oras, nakutluan gilayon kini sa iyang hinulamang kinabuhi.

Kasamtangan gikustodiya karun ang nalambigit nga sakyanan sa buhatan sa kapulisan lakip na ang driver alang sa tukmang disposasyon.