Close

LGU-GenSan giklaro ang katuyuan sa home quarantine pass

Sponsor ads


GENERAL SANTOS CITY- ARON malimitahan ang mga tawo sa paggawas sa ilang balay mao ang tumong sa home quarantine pass.

Kini ang giklaro ni Atty. Arnel Zapatos, city administrator sa syudad nga pamaagi kini sa Liga ng mga barangay ug giindorso sa task force batok COVID-19 aron ang mga mahinungdanong lakaw lamang ang tugutan sama sa pagpalit og pagkaon ug tambal ug emergency.

Kung gamay lang ang mogawas , mas malimitahan ang pagtakod sa virus sa tawo hinungdan mapugngan ang pagdaghan niini, luyo nga karon COVID-19 free pa ang GenSan.

Sa pikas bahin, gipahulat usa ang uban nga wala pa nahatagan sa ilang home quarantine pass nga maghulat tungod daghan ang mga nagpuyo sa barangay ug sa reklamo nga ginapabayran kini, nagpasidaan si Atty. Zapatos nga mag-atubang og silot ang kinsa mang mapamatud-an.