Close

Kwarta kag mga alahas, gina-alegar nadula matapos ang raid sa puluy-an ni VM Montawal

Sponsor ads


KORONADAL CITY — MASOBRA sa P3 milyon nga kantidad sang alahas kag P400,000 nga cash ang gina-alegar nadula sa puluy-an ni Vice Mayor Ohto Montawal sang Montawal, Maguindanao Province matapos ini gin-raid, Enero 10.

Suno kay Bai Cristel Montawal, asawa sang bise alkalde, ginraid sang mga pulis ang ila puluy-an base sa search warrant nga dala sang mga ini para sa gina-alegar armas, explosibo kag mga droga nga nakatago sa balay.

Ginpanginwala naman ni Bai Cristel nga ginapanag-iyahan sang mga ini ang apat ka mga M16 rifle nga narekober sa ila puluy-an.

Nagkaladula man suno pa ang ila mga alahas nga yara sa P3 million ang kantidad kag P400,000 nga cash sa ila vault nga iya sini ginbuksan agud makit-an sang raiding team.
Bangud sini, plano sang pamilya nga kasuhan ang PRO-ARMM bangud sa gina-alegar overkill nga raid kag pagpangawat sa ila puluy-an. (Girlie Narciso-Solis)