Close

Krimen sa Davao City niubos niadtong 2018

Sponsor ads


MITALA sa 34.29% ang pagkonhud sa crime incidents sa niaging tuig 2018 gumikan matud pa sa hugtanong anti-criminality campaign sa kapulisan sa Rehiyon Onse.

Matud kang Davao City Police Office Sr. Insp. Maria Theresita Gaspan, anaa sa 4,978 ang natala niadtong 2018 nga mas mubo kung itandi sa 7,576 crime volume incidents sa tuig 2017.

Subay sa datus sa index crime (against persons nga naglangkub sa murder, homicide, physical injury, ug rape; crimes against property sama sa robbery, theft, carnapping, ug motornapping) nikunhod sa 27% gikan sa ihap nga 1,588 crimes sa 2017 nga anaa na lamang sa 1,148 niadtong 2018.

Luyo sa pagkonhud sa kinatibuk-ang krimen, nagpabiling taas ang kaso motornapping kung diin anaa sa 30 ka kaso ang nahitabo kung ikumpara sa 20 ka kaso niadtong 2017.

Gitataw sa opisyal nga dunay dakong epekto sa pag-ubos sa krimen sa davao City gumikan na usab sa daghang mga programa nga gilusad sa DCPO sama sa Oplan Kalinaw u gang pakigtambayayong sa ubang law enforcement agencies.