Close

Koronadal blast, wala sang epekto sa Barangay kag SK Elections

Sponsor ads


KORONADAL CITY - WALA sang epekto sa Barangay kag SK Elections sa maabot nga Lunes ang natabo nga pagsigabong sang bomba sa Koronadal.

Ini ang ginpasiguro ni Chief Supt. Marcelo Morales, regional director sang Police Regional Office (PRO) - 12 sa interview sang Brigada News FM Koronadal.

Suno kay Morales, grupo sang Bangsamoro Islamic Freedom Fighters (BIFF) ang yara sa likod sang pagpamomba sa syudad.

Apat suno pa ang suspek sa krimen kag duha na ang nakilala kag nakasuhan samtang padayon nga gina-identify ang duha ka iban pa.

Sa subong, ila suno pa gina-imbestigaran ang koneksyon sang BIFF sa isa ka MILF member nga naaresto boundary sang Maguindanao kag Sultan Kudarat nga nakuhaan sang mga bomb components nga may kaparehas sa naglupok nga bomba sa Koronadal. (Girlie Narciso-Solis)