Close

Kontrabando gikan sa CPP-NPA terrorist, nasignit sa kasundaluhan

Sponsor ads


NASIGNIT sa tropa sa 36th Infantry (Valor) Battalion sa Surigao del Sur ang usa ka sakong may sulod nga CPP-NPA-NDFP News Magazines ug libro sa bisinidad sa Sitio Igis-igis, Brgy Cancavan, Carmen, Surigao del Sur.

28 ka librong naghisgot sa Mao Ze Dong Teachings, 392 News Magazines sa “Ang Bayan” ug 195 news magazines sa Lingkawas nga gamiton alang sa propaganda ug teach-ins aron nga marecruit ang mga sibilyan sa maong lugar.

Nasakmit kini sa tropa human ang security patrol isip tubag sa tip sa concern citizen sa barangay nga dunay kontrabandong gikan sa CPP-NPA Terrorist (CNT) ang gihulog ug ready for pick up.

Sumala ni Captain Francisco P. Garello Jr PA, 36IB Spokesperson ang maong mga reading materials gikan sa CNTs napamatood nga garecruit sila sa mga barangays.

Gamit nila kini aron nga hulmahon ang kasing kasing ug pangutok sa mga tawo aron nga muapil sa ilang grupo.

Sa pamahayag ni Lt Colonel Xerxes A Trinidad PA, Commanding Officer sa 36IB , ang pagkadiskubre pinaage sa tip sa mga concern citizen gikan sa barangay usa ka timailhan nga ang komunidad wala manginahanglan sa komunistang grupo.