Close

Konsehal Belmonte nag-react sa pagtandi sa trabaho sa mga SCAA ug nurses sa LGU

Sponsor ads


NAGTOO si Councilor Queenie Belmonte nga dili angayang ikompara ang trabaho sa nurse ug Special CAFGU Active Auxiliary o SCAA aron lamang pag-determinar kung kinsa ang magdawat sa mas taas nga sweldo.

Alang kang Belmonte, dili makwestiyon ang dakong tabang sa SCAA sa paghatag og proteksiyon sa katawhan apan nagtrabaho usab ang mga nurse sa city hospital sa pagluwas sa kinabuhi sa tawo.

Reaksiyon kini Belmonte dihang naglantugi na atol sa sesyon ang iyang mga kaubanang konsehal kalabot sa P10,000 nga binulang honorarium sa SCAA batok P318 lamang nga inadlaw'ng suhol sa mga nurses sa gobyernong lokal.