Close

Kasundaluhan padayon ang pagbantay sa ilang AOR alang sa piniliay

Sponsor ads


Gipasalig sa kasundaluhan sa Zambaoanga del Sur nga himuong hapsay ug malinawon ang Barangay ug SK elections pinaagi sa hugtanong pagbantay sa ilang area of responsibility.

Matud ni Lt/Col. Marlowe Patria, ang commanding officer sa 53rd Infantry Batallion, Philippine Army nga nakabase sa Guipos, Zamboanga Del Sur, adunay mga report kabahin sa election related incidents sa pipila ka baranggay sa lalawigan ug ila kining gipaningkamutan nga maresolba.

Nakigtagbo na sila si Col. Patria ngadto sa ilang counterparts nga mao ang PNP ug Comelec ug gihisgutan ang mga pamaagi nga mapugngan ang mga dautang panghitabo.
Giawhag ni Col. Patria ang mga botante nga mugawas sa ilang balay ug dili mahadlok sa pagboto, hilabi na sa pagpili sa ilang napilian nga kandidato.