Close

Kaso sa COVID-19 sa region-12 misaka na sa 61

Sponsor ads


GENERAL SANTOS CITY- MISAKA na sa 61 ang kaso sa COVID-19 sa region-12 as of June 29, 2020.

Kini ang subay sa latest update sa DOH-12 asa nadugangan og duha nga gikan ang us aka COVID-19 case sa Sarangani Province ug laing usa gikan sa South Cotabato.

Ang 60th case usa ka 52-anyos nga babaye nga taga Sarangani ug gikan sa Manila ug miabot niadtong June 21.

Nagpositibo kini sa RT-PCR test apan anaa sa stable nga kondisyon.

Ang ika-61 ka kaso sa COVID-19 ang usa ka 49-anyos nga lalaki nga taga South Cotabato ug may history of travel sa Manila ug miabot niadtong Hunyo 12. Nagpositibo kini sa RT-PCR test ug stable ang kahimtang.

Sa pikas bahin, may lima ka bag-ong recoveries ang region-12 as of June 29, 2020 asa ang usa gikan sa GenSan, usa ka 22-anyos nga lalaki nga LSI, laing usa nga nakarekober gikan sa Cotabato City nga usa ka 22-anyos nga lalaki.

Ang tulo nga nakarekober gikan sa South Cotabato nga gilangkuban sa tulo ka lalaki nga anaa sa edad nga 35, 45 ug 58-anyos nga pulos may travel history sa Manila.

Tungod niini mokabat na sa 38 ang total recoveries sa COVID-19 sa region-12 ning panahuna.