Close

Kaso it dengue sa Region 6, nagtaas

Sponsor ads


ILOILO, CITY — Nagsaka it 27% ro dengue cases halin January 1 hasta May 26 makarun nga dag-on kung ikumpara sa parehu nga period it 2017.

Suno sa pamunuan it Department of Health o DOH-6, nagsaka sa 2,622 ka dengue cases ro nairekord makarun nga morbidity week 21.

Nagsaka ro nairekord nga dengue cases sa haeos tanan nga areas sa Western Visayas.

Nagpanguna sa listahan ro Negros Occidental nga may 1,240 ka dengue cases; Aklan, 359; probinsya it Iloilo 294; Antique ,197; Capiz, 142; syudad it Iloilo, 90; ag Guimaras nga may 15 ka mga kaso it dangue.

Kapin sa 18 eon ro napatay bangud sa dengue makarun nga dag-on kung siin, kaeabanan sa mga biktima hay naga edad it sang dag-on hasta 10 dag-on. / ANN DESLENE SALAZAR