Close

Kapulisan ug health personnel pakusgan ang kampanya batok sexual abuse

Sponsor ads


GENERAL SANTOS CITY- PAKUSGAN pa sa kapulisan ug health personnels ang kampanya batok sa sexual abuse human usab sa pagtaas sa kasong pagpanglugos sa region 12.

Sa talaan sa Police Regional Office 12 mikabat na sa 174 ka kaso sa pagpanglugos ang natala sukad Enero hangtud Hulyo ning tuiga sa region 12.

Gikumpirma ni Lt. Col. Aldrin Gonzales, tigpamaba sa PRO-12 nga mokabat sa 122 ka kaso ang napasaka na sa prosecution offices ug napasang-at sa local courts samtang 47 ka kaso ang na-areglo.

Sa maong ihap usab tulo ka tuig ang pinakabata ug 79-anyos nga lola ang pinakatigulang nga biktima sa pagpanglugos.

Alayun niini, gipasalig ni Dr. Rochelle Oco, labaw sa City Health Office ug medico-legal officer, nga makaalarma ang pagtaas sa sexual abuse cases hinungdan nga angayang pakusgan pa ang awareness sa mga komunidad ug tulunghaan kalabot sa sexual health rights and responsibilities ug tutukan ang pagpakgang sa sexual abuses.