Close

Kanhing Cong. Acharon gihingusgan nga walay bisan piso nga gikuha nga kwarta gikan sa gobyerno

Sponsor ads


GENERAL SANTOS CITY- “TAAS noo ko nga muatubang sa mga tawo nga sulod sa 27 ka tuig nga pagpanerbisyo wala ko nangawkaw sa kwarta sa gobyerno.”
Kini ang gihingusgan ni kanhing Congressman Pedro “Jun” Acharon Jr. human gikombikto sa 7th Division sa Sandiganbayan sa kasong graft and corruption.

Giklaro ni Acharon nga bisan piso wala siyay gikuha sa pondo nga gigamit sa Tambayayong Festival sa Amerika asa gi-showcase didto sa Kalilangan festival ug gidumalahan sa usaka NGO.

Igo lang matud pa siya mipirma sa authority to travel ug walay direktang pagpanghilabot sa maong aktibidad.

Hinuon nakaduso na og motion for reconsideration ang abogado ni Acharon ug himuon ang tanang legal nga butang aron mapawalay sala.
Una nang gibasura ang duha ka kaso may kalabutan sa maong aktibidad apan subling gi-file sa Ombudsman.