Close

Kabalaka sa ASF makaapekto sa hog industry sa GenSan

Sponsor ads


GENERAL SANTOS CITY- GIKABALAK-AN nga mahugno ang binilyon ka pesos nga swine industry sa GenSan tungod sa problema mugna sa kabalaka sa African Swine Fever kun ASF, segun pa ni Big Boss Elmer V. Catulpos, chairman/CEO sa Brigada Group of Companies.

Segun ni EVC, kinsa presidente usab sa General Santos City Chamber of Commerce and Industry Inc. nga luyo nga walay usaka kaso sa ASF sa GenSan ang mga swine producers ang nag-atubang na og dakong problema, asa nila ibaligya ang ilang mga produkto.

Una nang gipasalig sa LGU nga ipabiling gawasnon gikan sa ASF ang syudad ug mipasalig usab ang mga veterinary officials nga protektahan ang lugar gikan sa maong sakit sa baboy.

Kasamtangan , ang mga opisyal ug business leaders ang nangayo na og tabang gikan sa national government tungod nabati na ang epekto sa lockdown sa mga silingang mga lugar tungod sa ASF, hinungdan natanggong ang ubang shipment ug miagi pa sa ubang lugar aron makaabot sa ilang desinasyon.

Ang syudad adunay swine population nga 457,000 heads asa kapin sa
420,000 ang large-scale commercial hog farms ug ang uban ang backyard swine-raising.