Close

Junk shop nasunog, mga bata nagdula daw og kalayo

Sponsor ads


GENERAL SANTOS CITY- UGDAW sa sunog ang usa ka junk shop sa San Pedro extension, Barangay Lagao ala una pasado sa hapon, kagahapong adlawa.
Segun ni Inday Palguira, chairperson sa San Pedro extension, nga naay nadungog nga buto unya niulbo ang kalayo.
Walay naangol kay nakabantay ang tagbalay.

Butyag usab ni Cejay Coronado, pagsugod sa aso nanggawas na sila ug nagsablig og tubig apan wala natabang.

Segun sa tag-iya sa junk shop nga si Celso Solana, nga wala pa kini masayod sa hinungdan tungod wala kini niadtong higayuna ug caretaker ang anaa.
Butyag usab ni Criza Liza Dumdumano, ang caretaker nga pagtan-aw niini nagkalayo na ang mga karton ug paspas gidala ang mga bata pagawas.

Wala usab daw kini masayod kon nagdula og kalayo ang mga bata kay naghigda siya niadtong tungura tungod naglabad ang ulo.
Walay nadala nga gamit ang caretaker sa ilang pagawas sa nasunog nga junk shop.

Kasamtangan padayun pa ang gihimong imbestigasyon sa Bureau of Fire Protection sa hinungdan sa sunog.-END-