Close

Ihap sa mga NPA nga misurender, misaka na

Sponsor ads


MISAKA na sa 32 ang ihap sa mga rebel returnees sa tuig 2018, base sa talaan sa 53rd-IB Philippine Army.

Matud ni Lt. Col Marlowe Patria, ang battalion commander sa 53rd IB, subay sa ilang talaan, kaniadtong tuig 2002 adunay duha ka NPA nga misurender, unom kaniadtong 2014, 24 kaniadtong 2015, siyam sa tuig 2016, miusbaw sa 17 sa milabay’ng tuig 2017, ug 38 ning tuig 2018.

Sa katibuk-ang mukabat na sa 90 ang NPA surrenderees ug aduna nay duha nga nahimong sundalo.

Mukabat usab sa 13 ang mipailawom sa CAA, 19 ang nanguma, tulo ang nahimong driver, unom ang panday, usa ang mangingisda, ug adunay 19 nga kasamtangang mipailalom sa training sa CAA. Samtang adunay 52 nga nakadawat og benipisyo pinaagi sa E-CLIP program, walo ang nakadawat ug bayad sa gisurender nga armas, ug adunay 38 nga kasamtangang nagproseso pa sa ilang mga papeles aron nga makadawat ug benipisyo sa gobyerno.

Padayon gihapon ang panawagan sa kasundaluhan ug kapulisan sa mga rebelde sa kabukiran, nga mukanaog na sa patag ug himuslan ang programang gitanyag sa gobyerno, ug manginabuhing normal kauban ang pamilya.