Close

IPMR Cauayan giduso ang pagtukod og IP high school

Sponsor ads


GENERAL SANTOS CITY- GISUGDAN na sa paghisgot sa komiteba sa Indigenous People Mandatory Representative sa Sangguniang Panlungsod ang plano nga magpatukod og IP High School sa Sityo Maltaan sakop sa Barangay Siguel.

Butyag ni Kagawad Lucio Cauayan nga may magdonar og duha ka ektaryang luna alang sa IP High School.

Segun ni Cauayan nga giduso niya kini tungod layo ang distansya nga ginabaklay sa mga kabataan una pa makaabot sa mga tulunghaan.

Malaumon ang IP representative sa konseho nga matukod gayud ang IP School sa Barangay Siguel sa tabang usab sa mga opisyal sa barangay ingon man sa DepEd ug sa LGU-GenSan.